የልደታ የሥነ-ምግባርና ፀረ-ሙስና መከታተያ ክፍል

ዉድ ደንበኞቻችን በሀገራችን ሙስና ስር የሰደደና የዜጎችን ማህበራዊ ኢኮኖሚያዊና ፖለቲካዊ መብቶችን የሚጎዳ ከመሆኑም በላይ ዜጎች በሀገራቸዉ መብታቸዉን በአግባቡ እንዲይጠቀሙ ጫና ሲፈጥር የቆየ በሽታ ነዉ፡፡ መንግስትም ይህንኑ በመገንዘብ ችግሩን በአስቸኳይ ለመፍታት ዘርፈ ብዙ እንቅስቃሴዎችን በማድረግ ዉጤቶች መታየት ጀምረዋል፡፡ የልደታ ክ/ከተማ አስተዳደር የስነ ምግባርና ፀረ ሙስና መከታተያ ክፍል ወደ ስራ ከገባበት ጊዜ ጀምሮ በስነ- ምግባር ግንባታ እና ሙስና መከላከል ላይ ሰፊ ስራዎችን እየሰራ ይገኛል፡፡

የስነ ምግባርና ፀረ ሙስና መከታተያ ክፍሉ ሙስናን ለመከላከል ከሚከተላቸው ስትራቴጂዎች መካከል አንዱ ከባለ ድርሻ አካላት ጋር በቅንጅት በመሥራት የሙስና መከላከል ስራን ውጤታማነትን ማረጋገጥ ነው፡፡ በጠንካራ እሴት ሊይ የተገነቡ ዜጎች በአቋራጭ የመበልጸግ ፍላጎት የላቸውም ፤ ስርዓት አልበኝነትን ይቃወማሉ፤ ውሳኔያቸው በስሜት ሳይሆን በምክንያት ነው፤ አገልግሎት በሚሰጡባቸው ተቋማት ወይም በተሰማሩበት የስራ መስክ በመልካም ሥነ-ምግባር ታንጸው ህዝባቸውን ያገለግላሉ፣ ሙስናንም ይጠየፋሉ፡፡ በዚህም ሰላም እንዲሰፍን፣ ግልፅነትና ተጠያቂነት እንዲኖር፣ በህዝብና መንግስት መካከል መተማመን እንዲፈጠር፣ ልማትና ዲሞክራሲ እንዲያብብ ትልቅ አስተዋጽኦ አላቸው፡፡ ይህን ለማሳካት በምናደርገው ጥረት ባለድርሻ አካላትና ህብረተሱቡ ከመከታተያ ክፍሉ ጎን እንዲቆሙ እናሳስባለን፡፡

ሙስና ስጋት የማይሆንባት አዲስ አበባን እንፈጥራለን!